Я люблю беларускую мову!

Не пакідайце ж мовы нашай беларускай, каб не ўмёрлі!

Францішак Багушэвіч

Штогод 21 лютага ва ўсім свеце адзначаецца Міжнародны дзень роднай мовы. На роднай мове мы гаворым нашы першыя словы і найлепш выказваем свае думкі. Гэта тая аснова, на якой усе людзі будуюць сваю асобу з моманту свайго першага ўздыху, і яна тое, што арыентуе нас на працягу ўсяго жыцця. Яна з’яўляецца спосабам, з дапамогай якога можна навучыць паважаць сябе, сваю гісторыю, сваю культуру і галоўнае – іншых людзей з усімі іх асаблівасцямі». Для большасці жыхароў Рэспублікі Беларусь роднай з’яўляецца беларуская мова.Беларуская мова адносіцца да ўсходнеславянскай падгрупы індаеўрапейскай моўнай сям’і. Яна, безумоўна, мае шмат агульных граматычных і лексічных рыс з рускай і ўкраінскай мовамі. Аднак і спецыфічных адметнасцей багата ў нашай роднай мове. Гэта дзеканне і цеканне, аканне і яканне, зацвярдзелыя зычныя і суседняя мяккасць, у нескладовае і апостраф. А колькі самабытных беларускіх слоў!

Дык давайце ж будзем размаўляць па-беларуску! І не толькі 21 лютага, а заўжды!

План правядзення Тыдня беларускай мовы ДУА ”Красненская сярэдняя школа Карэліцкага раёна” з 16.02.2026 па 21.02.2026

№	Мерапрыемства	Клас	Дата
1. 2. 3.	Адкрыццё Тыдня беларускай мовы “Родная мова, цудоўная мова!Ты нашых думак уток і аснова!” Віктарына “Беларуская скарбонка” Флэшмоб ”Маё любімае беларускае слова”	3-11 8 3- 11	16.02
4. 5.	Акцыя “Гавары са мной па — беларуску” Лінгвістычны батл”Жаўруковаю песняю мова звініць!”	3-11 3	17.02
6. 7.	Выстава малюнкаў “Беларусь мая сінявокая.” Гульня — віктарына”Таямніцы беларускага слова”	3-9 4	18.02
8. 9.	Літаратурна-музычная кампазіцыя “Паэтычны вянок роднаму слову” Акцыя “Пажаданні роднай мове”	3-11 5-11	19.02
10. 11.	Музейны занятак “Беларускія стравы” Агульнацыянальная дыктоўка, прысвечаная Міжнароднаму дню роднай мовы і Году беларускай жанчыны	5-8 9-11, настаўнікі	20.02
12.	Беларуская каляндарна-абрадавая інсцэніроўка” Масленіца ў госці да нас прыйшла”	3-11	21.02