14 кастрычніка ў школьным музеі ўстановы адукацыі для вучняў 1-2 класаў быў праведзены музейны ўрок «Народныя промыслы беларусаў «. Падчас правядзення музейнага ўрока вучні даведаліся пра народныя промыслы, такія як ганчарства, ткацтва, пра вышыўку і пляценне рэчаў з саломы і лазы, а таксама пра драўляныя вырабы хатняга ўжытку. Больш за ўсё вучняў зацікавіў аповед пра ручнікі, дзеці пазнаёміліся з асаблівасцямі выкарыстання ручнікоў у паўсядзённым жыцці і вышыўкай на іх.