16 сакавіка для вучняў 8 класа ў школьным краязнаўчым музеі была праведзена экскурсія «Этнаграфія і побыт беларусаў «. Падчас экскурсіі вучні даведаліся пра традыцыі і побыт мясцовых жыхароў, пазнаёміліся з прыладамі працы, якімі карысталіся ў паўсядзённым жыцці, як вырошчвалі лён, трапалі, часалі, пралі на калаўроце кудзелю, снавалі ніткі, ткалі палатно, а затым старанна шылі адзенне, вышывалі ручнікі, абрусы, сурвэткі, якімі ўпрыгожвалі свае хаты.